Ibrahim Ag Bahanga, aɣella aɣewway n
Yiṭergiyen, yemmut ass n 26 n ɣuct yezrin. Yedder d afeḥli, werǧin yemtawa akked unabaḍ n Mali ɣef wayen yerzan tilelli d yizerfan n watmaten-is imaziɣen n Mali. Yennuɣ armi d ddqiqa
taneggarut di tudert-is ɣef waya. Yettwamḍel ass n lǧemɛa yakan, ɣef wakken i d-nnan deg yisallen.
Amek yemmut ? Akken d-nnan ad yili yemmut deg laksida maca ur neẓri ara ma d tidet neɣ ala. Ur neẓri ma yella
mačči d taxazabit i as-d-swejden yicenga yellan deg udabu aserdasi n Mali.
D acu ara yilin sya d afella di tmurt n Mali? Amek ara ikemmel umennuɣ n Yiṭergiyen di tmurt-a? ... Aṭas n
tuttriwin i yezmer ad d-yefk umdan imi akken neẓra Ibrahim d yiwen n urgaz yesɛan azal d ameqqran deg umennuɣ-a. Yegguma imtawayen n talwit gar uɣref-ines d udabu n Mali, yerfed imrigen armi d
asmi yemmut ɣef tikta-ines.
Karim Kherbouche